SISTE: Klokka 17:00 melder Statens vegvesen at vegen er rydda og open for fri fersel.
Riksveg 13 over Vikafjellet er stengd grunna snøras, opplyser Statens vegvesen.
– Det er antyda at raset er mellom 80 og 100 meter breitt, men me veit ikkje kor høgt det er, seier Jan Erikstad ved vegmeldingssentralen.
Geologar gjorde ei ny vurdering klokka 13, og etter planen skal vegen opnast att klokka 17.
Det er snakk om at det har blåse opp ein del skavlar, og det skal bli mildare utover dagen, so då blir det meir ustabilt, seier Erikstad.
- Sjå oppdaterte vegmeldingar her
- Her finn du Vegvesenet sine nettkamera frå heile landet
- NRK sin nettkameraoversikt for Sogn og Fjordane
I tillegg er fylkesveg 92 over Stordalen mellom Høyanger sørside og Matre stengd på grunn av oppryddingsarbeid.
Vegtrafikksentralen åtvarer mot glatte vegar som følgje av underkjølt regn fleire stader i fylket. I tillegg er det mykje overflatevatn og delvis slapseføre fleire stader. I høgda har nedbøren komme som snø.