I dag fekk lokale artistar nok ein gong vise kva dei har å by på frå ei Lutt-scene.
Dette er nemleg tredje fredagen på rad at NRK har arrangert konsert på festivalar i fylket. Førre helg var det NRK CountryLutt frå Norsk Country Treff og helga før kunne du oppleve NRK FolkeLutt frå Førdefestivalen.
- Les også:
- Les også:
I dag var det duka for Sommarlutt på Malakoff og publikum fekk sjå artistar som Comet Kid, Svelekameratane, Jørn Trollebø Kvalheim m/band, Drusar, Sofia Hyttedalen og Aleks Grey i aksjon på scena.
– Det er litt av eit program vi byr på. Veldig mange spennande band med høg kvalitet, seier programleiar Stian Sjursen Takle.
Konserten vart sendt direkte frå parken utanfor Sparebanken Vest på Nordfjordeid. I tillegg kunne du høyre den direkte på radio og i nett-tv på nettsidene til NRK Sogn og Fjordane.