– Vi endra disponeringa inntil fem millionar for å leggja til rette for dei behova som næringa har, seier regiondirektør Bård Sandal i Hordaland fylkeskommune
Han meiner fylkeskommunen bør gje fem millionar kroner til idéutvikling og bransjesamarbeid i offshorenæringa som slit med kutt og nedbemanning.
- LES OGSÅ:
Må samarbeida på tvers
– Vi ser det som nødvendig å hjelpa olje- og gassnæringa, seier Sandal.
– Er det ei slags naudhjelp til kriseramma bedrifter?
– Nei, det er meir ideutviklingshjelp. Det å jobba smartare, teknologiendring, innovasjon og få til samarbeid på tvers av ulike bedrifter innanfor same bransje er viktig, seier Sandal.
Hjelpa olje-gassnæringa
– Olje- og gassbransjen skal vi ha med oss i 40- 50 år til, men så må vi tenka nytt og vi må tenka det grøne skiftet, og korleis vi kan bruka verdsleiande teknologi på andre område, legg Sandal til.
Desse pengane må i så fall bli tatt frå andre formål. Fylkesutvalet avgjer på torsdag om dei vil ta dei fem millionar kronene frå andre formål for å hjelpa olje- og gassnæringa.