Fundo i akutt pengemangel

Styreleiar John Fenger i Fundo Wheels . Han vedgår at økonomien er stram, og at behovet for pengar er akutt.

- Vi har hatt ein ganske drastisk salsnedgang i Fundo det siste halvåret. Som konsekvens av det har vi ein veldig stram likvid situasjon, seier han.

Ventar framleis på løn

Fundo Wheels har slite i motbakke og konkursspøkelse har henge over høyangerverksemda. To verksemder har Akutt behov for pengar , men felgfabrikken har i begge tilfella klart å forhandle seg fram til utsetting. Dei tilsette ventar framleis på desemberløna si.

- Det er veldig beklageleg. Vi vonar og trur at vi får til noko denne veka, seier Fenger.

- Treng pengar fort

Fenger seier at sjølv om den økonomiske situasjonen er tøff, er det ikkje aktuelt for felgfabrikken å slå seg sjølve konkurs.

- Ein må alltid ha det for augo og vurdere det som mogleheit om vi ikkje får kapital. Men det er ikkje på agendaen no, seier han. Fenger er likevel klar på at skal Fundo ha livets rett også i framtida, må dei få inn friske pengar, og det må skje innan dei næraste vekene.