Behovet for helsefagarbeidarar er nemleg stort rundt om kring i kommunane. Men no fryktar fleire for framtida, og meiner ei sentralisering av studietilbodet vil føre til at mange ungdomar vel vekk denne studieretninga.
Om folk må flytte på seg for å kunne gå helsefag, vil dei heller bli buande heime og ta ei anna utdanning, meiner Norvall Nøringset.
Han er leiar for hovudutval for opplæring og seier dette er noko dei må ta på alvor.
– Det å samle denne utdanninga på færre plassar gjer det mykje vanskelegare for mange kommunar å få sine ungdomar til å ta denne utdanninga, seier Nøringset til NRK.no.
Føreslår dramatiske kutt
Elevtalet i den vidaregåande skulen i Sogn og Fjordane er venta å gå kraftig ned den kommande åra, og fylkeskommunen får difor mindre pengar å bruke på vidaregåande skule.
Dei har difor bede Norconsult sjå på moglege alternativ for korleis å kutte i skulestrukturen. Rapporten vart lagt fram på tysdag og hadde tre forskjellige modellar for korleis skulestrukturen skal vere i Sogn og Fjordane i framtida.
- LES OGSÅ:
- LES OGSÅ:
Frå ni til fire studiestader
Ut frå rapporten kan helsefagtilbodet i verste fall bli sentralisert til Sogndal, Førde, Florø og Eid. I dag har ein tilbodet ved ni skular.
Nøringset viser til at behovet for utdanna helsefagarbeidarar er stort. Allereie i dag er det mange kommunar som har problem med rekrutteringa.
– Dette har samanheng med alderssamansetninga, med samhandlingsreforma og fleire andre ting. Behova er store, seier Nøringset.
- LES OGSÅ:
- LES OGSÅ:
- LES OGSÅ:
(Artikkelen held fram under biletet)
– Bør vere desentralisert
Han meiner situasjonen i kommunane er slik at nær kvar tredje ungdom burde utdanne seg innan helsesektoren.
Det bør også gjere til at studietilbodet er det faget som er mest desentralisert, meiner han.
– Eg ser ikkje vekk frå det. Samtidig må vi heve statusen for yrket, seier leiaren i hovudutvalet for opplæring.
– Det vil vere totalt øydeleggjande
Leiar i Fagforbundet i fylket, Solveig Norevik, er heilt samd med Nøringset.
– Ei sentralisering vil vere totalt øydeleggjande, seier Norevik.
I tillegg til frykta for at unge vel bort helsefag til fordel for utdanningar der dei kan bu heime, ser også Norevik at problemet blir stort også for unge etablerte som vil ta helsefag.
– Vi snakkar om at vaksne ungdomar som bur i desse områda kan bli råka. Vi må ha eit tilbod i fylket som er desentralisert, seier ho.
- LES OGSÅ:
– Må rekruttere
Hordaland er inne i same diskusjonen om vidaregåande skule som Sogn og Fjordane. Konsulentrapporten deira føreslår også sentralisering av helsefaget, men også der tenker politikarane annleis, fortel Nøringset.
– Dette er nettopp fordi alle kommunane må rekruttere helsefagarbeidarar til dei jobbane som dei skal utføre i framtida.