Framtida til Fiskeridirektoratet i Måløy er framleis i det blå

To månader etter at dei fekk beskjeden om at regionkontoret kanskje vert flytta til Bergen er avgjerda framleis i det blå. Det er ingen god situasjonen, seier Wenche Johannessen som lurer på kva som skjer med arbeidsplassen hennar.

• Les også: Krev tydeleg svar frå regjeringa
• Les også: Store protestar mot fiskerisentralisering

– Tida har vel i grunnen stått litt på vent. Det er ikkje noko god kjensle å gå rundt og vente slik. Det har tatt langt tid, og det er mange som er svært spente seier, Johannesen

Mange arbeidsplassar

I dag har 26 personar arbeidsplassen sin ved regionkontoret i Vågsøy, men fiskeridirektør Liv Holmefjord ynskjer å flytte kontoret til Bergen.

• Les også: Flytta heim med ungane – no kan jobben bli flytta til Bergen
• Les også: Mistar statusen som regionkontor

I februar kom varselet om mogleg flytting men framleis ventar Tone Teigen på eit klart svar på kva som skal skje med kontoret i fiskerikommunen.

– Ventetida er blitt mykje lenger enn det vi vart førespegla. Det vart sagt at det skulle kome ei rask avgjerd. No seier statsråden at ho har god tid når ho no skal vurdere dei innspela som er komne, seier Teigen

Ingen ting er bestemt

I februar åtvara lokallaget i Høgre fiskeriminister Elisabeth Aspaker mot flyttinga. No ligg rapporten og innstillinga på bordet til statsråden. Då NRK var i kontakt med departementet tidlegare denne veka var beskjeden at verken den vidare prosessen eller dato for endeleg avgjerd er bestemt.

• Les også: Vil flytte regionkontoret frå Måløy

– På ein måte så meiner eg at dei har starta i feil ende. Dei burde ha først ha klargjort kva arbeidsoppgåver som skulle gjerast kvar, og så kunne ein sjå på plassering av kontor og bemanning ut frå det, seier Teigen.

– Men kan det og vere positivt at ein brukar god tid på denne avgjerda?

– Ja, trur eg. Dersom det kan føre til at ein får ein grundigare prosess, med fleire høyringsinnspel, så tur eg det kan vere positivt.