– Det vil jo gje seg utslag i at dette vert eit tema, seier Folkestad.
14 september står slaget om kommune-Norge. Vi skal på nytt stemme fram eit kommunestyre og fylkesting.
Men før det, er det innleiande rundar med debattar, valløfte og valkampsaker. Folkestad er spent på korleis kommunereforma vil prege dei komande månadane.
– Veljarane vil kanskje spørje etter klarare alternativ på kven ein skal gå i hop med, kven som ønskjer samanslåing, om nokon ikkje ønskjer det og liknande. Det vil kanskje syne att på valresultatet, trur Folkestad.
- Les også:
Ser fram til å sjå kva som rører seg lokalt
Så dominerande trur Folkestad at kommunereforma vil bli. Kommunestruktur er ei så lokal sak at det kan auke valdeltakinga.
– Vi som forskarar gler oss veldig. Vi ser fram til å sjå på kva som vil røre seg lokalt framover. Korleis vil partia respondere på dette? Det ser vi fram til med stor spenning, seier Folkestad.
Kommunereforma vart sparka i gong av Høgre, men Sigurd Reksnes seier dei vil gjere reforma til ei tydeleg sak for Senterpartiet i valkampen.
– Vi trur at dette kjem til å bli ei veldig viktig sak i valkampen til hausten. Det er massevis av saker der regjeringa køyrer på med sentraliseringsprosjekt, seier Reksnes.
- Les også:
– Nett no er alt kaos
Fylkesleiar i Høgre Arve Mjømen påpeikar at kommunereforma vil gå sin gong, uavhengig av valet.
– Vi vil jo noko i Høgre når vi vil gjere endringar. Og det er ikkje berre ei regjeringssak lenger. Dette er det også, slik eg oppfattar det, noko eit stort fleirtal i Stortinget også ønskjer, seier Mjømen.
Reksnes, som er andrekandidat på fylkestingslista til Senterpartiet, registrerer på si side fornøgd at ingenting er avgjort.
– Slik saka står no er det berre kaos. Det er ingen som veit kva som vert resultatet av prosessane som skal gå føre seg framover, seier Reksnes.
- Les også:
Trur engasjementet vil ta seg opp
Høgreleiar Mjømen er ikkje like sikker på om Høgre vil gjere kommunereforma til ei valkampsak. Men at saka vil engasjere, er dei politiske motstandarane einige om.
– Etter kvart som dei forskjellige alternativet kjem på bordet og veljarane ser kva det betyr for dei, så vil vi få eit heilt anna engasjement og debatt enn kva vi har hatt i dag, seier Reksnes.
- Les også: