Forskar meiner dårleg planlegging er skuld i mange naturskadar

I ei ny studie har ein gått inn i 10 tidlegare naturskadehendingar på Vestlandet. Sju av 10 skader kunne vore unngått om ikkje hus og vegar låg feil plassert i terrenget, meiner Aall.

– Dårleg planlegging kan vere ein vel så viktig grunn som dårleg vêr til at naturskade oppstår. Det gode med det er at då veit vi korleis vi skal handtere problemet. Det er berre i gåseauge å gjere planlegginga skikkeleg.

• LES OGSÅ: - Sterke opplevingar for dei som stod i det
• LES OGSÅ: - Frykteleg å sjå øydeleggingane i Flåm

Rekordflaumen fleire stadar på Vestlandet har vaska vekk hus og bygningar, bruer og vegar er øydelagde. Ordførar i Lærdal Jan Geir Solheim vart sjokkert over omfanget av skadane kring om i kommunen

– Ja, det er nesten heilt urealistisk og nesten ikkje til å tru. Det er slik at eg må klype med i armen.

• LES OGSÅ: - Ser verre ut enn eg hadde trudd

Vestlandsforsking har studert 10 tidlegare naturskadehendingar dei siste åra, resultata vart offentlege i går.

Konklusjonen er at mykje infrastruktur står så utsett til at ein nesten kan forvente at det går gale når flaum, skred og ekstrem vind herjar byar og tettstadar.

• LES OGSÅ: Sjå helikopterbilete frå flaumen

– I 70 – 80 prosent av dei tilfella meiner vi at dersom planlegginga hadde våre gjort etter boka så ville skadane vore vesentleg reduserte, seier Aal.

Det er kommunane som har ansvaret for å detaljplanlegge. Moderne arealplanar er som regel gode nok til å takle ekstremvêr seier Aall.

Problemet er at store delar av byar og tettstadar vart planlagde for fleire 10-år sidan, og klimaet har alt endra seg.

• LES OGSÅ: Mange hus kan ikkje brukast etter flaumen

– Nøtta vi no må løyse er korleis ein skal klimatilpasse dei bygningane og vegane som allereie er bygde, der ein kanskje ikkje tenkte på klima og naturskade, då dei vart bygde.