- Vi har fått klare og tydelege føringar frå staten: Vi må spare 150 millionar dei neste tre åra. Og no er vi ferdige med å rope om meir pengar - men pasientane skal få eit minst like godt tilbod, seier viseadministrerande direktør Helge Bryne i Helse Vest.
- SJÅ NETT-TV:
- Kortare behandlingstid
Styret i Helse Førde applauderte i føremiddag ein prosess som kan leie fram mot ei nedlegging av fødestova i Lærdal og ein reduksjon i tilbodet ved fødeavdelinga ved Nordfjord sjukehus.
Styret set dermed truleg i gang ein større prosess, der dei skal sjå grundig på dei ulike alternativa og eventualitetane rundt sjukehusa i Sogn og Fjordane.
- LES OGSÅ:
Det kan også bety at styret legg opp til kortare behandlingstid på sjukehusa, konkretisert i færre liggjedøgn og meir dagbehandling.
- Vil merke omstillinga
Samstundes tek ikkje styret endeleg stilling til eventuelle nedleggingar og omleggingar no: Først skal ein utarbeide høyringar og rapportar - før ein kjem tilbake til dei kontroversielle punkta.
Etter alt å dømme blir det dermed høg temperatur rundt Helse Førde også fram mot strategimøtet til våren.
- LES OGSÅ:
- Mykje talar for at vi ikkje kan drive vidare som før. Vi må sjå på arbeidsdeling mellom sjukehusa, og ei slik omstilling vil merkast i Sogn og Fjordane, seier nestleiar Jorunn Ringstad i Helse Førde-styret.