Kravet om folkerøysting i Nordfjordkommunane om helseføretak-grenser og rett til bruk av sjukehus på Sunnmøre ser ut til å ha gått litt i stampe.
Fleire sentrale personar bak underskriftslistene seier mellom anna at ordføraren i Stryn har tatt på seg å føre saka vidare i Nordfjordrådet. Men det stiller ordførar Sven Flo seg uforståande til.
– Eg har ikkje påtatt meg noko anna enn at eg har hatt ein dialog med aktørar i Stryn om det skal gjennomførast ein underskriftskampanje som skal fremjast ovanfor det politiske systemet i Stryn, seier han.
- LES OGSÅ:
Hovudorganisator i Vågsøy, Hans Gunnar Våge, har ikkje noko oversyn i saka.
– Er det nokon som samkøyrer dette folkekravet i Nordfjord?
– Nei, det trur eg ikkje, seier han.
Jurist Knut Henning Grepstad i Fylkeskommunen seier at det hastar med ei avgjerd dersom det skal bli folkerøysting om sjukehus under stortingsvalet i haust.
– Det går sjølvsagt an å gjere det, men dei bør vera raskt ute å få ei avgjerd i dei enkelte kommunestyra dersom dette skal skje.
– Det treng ikkje har so veldig stor verdi dersom berre eitt av fleire kommunestyre vil ha dette. Alle kommunestyra i det aktuelle området bør ha sagt ja til ei folkerøysting om det skal ha nokon verdi.