Arkivfoto: NRK
Det betyr at Helse Førde får tildelt endå større ansvar når det gjeld denne pasientgruppa, seier styreleiar i Helse Vest, Oddvard Nilsen.
- Det betyr at kapasiteten blir utvida. Dette er ei spennande oppgåve som Helse Førde får, seier han.
60 i året
Talet pasientar som skal få tilbod om vektreduksjon gjennom kirurgi, skal aukast gradvis frå nyttår. I dag opererer sentralsjukehuset i Førde 35 sjukeleg overvektige kvart år. Dette talet skal opp i 60 operasjonar årleg.
Tilbodet om livsstilsendring
Men i Sogn og Fjordane ligg også det einaste tilbodet til livsstilsendring som finst på Vestlandet, ved Hauglandssenteret i Fjaler. Også dette tilbodet skal trappast opp. - Her skal vi auke frå 48 til 100 pasientar per år, seier han.
Sist, men ikkje minst, skal det satsast meir på forsking innan dette - Det er naturleg at slik forsking skjer der spisskompetansen er, i Helse Førde, seier Oddvard Nilsen.
