• Nyheter
  • Sport
  • Kultur
  • Humor
  • Distrikt

Nyheter

  • Nyhetssenter
  • Norge
  • Urix
  • Kultur
  • Livsstil
  • Viten
  • Dokumentar
  • Ytring
  • NRK Sápmi
  • NRK Kvensk

Sport

  • Sportsnyheter
  • Resultater
  • Sendeplan
  • Videoklipp

Distrikt

  • Agder
  • Innlandet
  • Møre og Romsdal
  • Nordland
  • Oslo og Viken
  • Rogaland
  • Troms og Finnmark
  • Trøndelag
  • Vestfold og Telemark
  • Vestland

Temasider

  • NRK Humor
  • NRK Mat
  • NRK Skole
  • NRKbeta

Info

  • Hjelp
  • Informasjon
Logg inn

Vestland

  • Snakk med oss
  • Vestlandsrevyen
  • P1 SF
  • P1 H

Folk i Sløvåg har fleire helseplager enn andre

Folk som bur nærast Sløvåg i Gulen har fleire helseplager enn andre. Det er konklusjonen i den store helsesjekken som vart gjort etter eksplosjonen for to år sidan.

Tankeksplosjon i Gulen.

Berre forvridd metall var igjen av tankane som gjekk i lufta for to år sidan.

Foto: Steinar Lote / NRK
Publisert 29.06.2009, kl. 17.33 Oppdatert 29.06.2009, kl. 18.57
Del på Facebook Del på Facebook Del på Twitter Del på Twitter Del på epost Del på epost
Publisert 29.06.2009, kl. 17.33 Oppdatert 29.06.2009, kl. 18.57

Artikkelen er flere år gammel.

Del på Facebook Del på Facebook Del på Twitter Del på Twitter Del på epost Del på epost

Hovudkonklusjonen til fagfolka frå Helse Bergen viser likevel at dei aller fleste undersøkte ikkje har fått alvorleg sjukdom etter Vest Tank- eksplosjonen.

Innbyggjarane i Gulen har slite med helseplager etter eksplosjonen i mai 2007 . I dag blir dei første funna etter helseundersøkingane av kring 700 innbyggjarar presentert .

Les: Samandrag frå helseundersøkinga

Luftvegsplager

- Dei fleste av innbyggjarane i Gulen og Masfjorden er friske. Men vi har funne ut at dei som bur nærast eller jobbar i Sløvåg har auka førekomstar av luftsveginfeksjonar. Så har vi og sett skilnader på nokre blodprøvar, fortel prosjektleiar for helseundersøkinga Bjørg Eli Hollund til NRK.

Vest Tank-eksplosjonen

Vest Tank i Sløvåg
Foto: Ness, Kåre / SCANPIX
Ekspandér faktaboks
  • To tankar eksploderte 24. mai 2007 i Sløvåg.
  • Kring 200 personar har hatt til dels store plager som kvalme, irritert hals og irriterte auge.
  • Økokrim etterforska eksplosjonen og tok ut tiltale mot tre personar
  • Ei veke før eksplosjonen kjøpte Alexela Logistics opp Vest Tank og endra namnet til Alexela Sløvåg. Verksemda skal drive omlastingsterminal for oljeprodukt - og ikkje handsaming av olje- og avfallsprodukt, slik Vest Tank gjorde.

- Dei rapporterer litt meir tungpust og irritasjonar i hals og nase enn den gruppa folka vi har samanlikna dei med.

Usikre på årsaka

- Kor alvorleg er det?

- Det kan vere ting som går over av seg sjølv, men dette får vi sjå etter som tida går.

- Vi har berre gjort ei måling og vi har inge målingar frå før eksplosjonen. Vi kan difor ikkje seie så mykje om kor vidt det er eksplosjonen eller ei generelle forureining i Sløvåg som er skuld i luftvegsinfeksjonane. Men dette er forhold som vi kan sjå på seinare, forklarar Hollund til NRK.

Letta nabo

- Eg er letta over at undersøkinga slår fast at det ikkje er snakk om noko alvorleg og at vi vert følgt opp, seier ein av naboane til tankanlegget, Gjermund Halsvik.

Han seier rapporten som vart lagt fram i dag eit viktig steg for å få lagt bak seg ulukka.

Stressreaksjonar

Undersøkinga viser at det er skilnad mellom dei tre gruppene som er undersøkte når det gjeld symptom og funn frå luftvegar og blodprøvar. Ei gruppe på 37 personar hadde tydelege teikn på stressreaksjon med kjensler og tankar relatert til ulykka, for enkelte personar i vesentleg grad.

- Med bakgrunn i alle funna i undersøkinga, tilrår vi vidare oppfølging av folk som tidlegare planlagt, fortel Hollund.

(artikkelen held fram under TV-innslaget)

Video nsps_upload_2009_6_29_18_17_8_613.jpg
Denne videoen er dessverre ikke tilgjengelig. Kontakt oss dersom du har spørsmål.

Helseplager

Innbyggjarane nær Sløvåg og arbeidstakarane i Sløvåg rapporterer å ha hatt fleire helseplager i samband med eksplosjonen enn dei som bur lenger borte. Begge kjønn rapporterer fleire helseplager siste 30 døgn enn dei som bur lenger vekke. Kvinnene som bur nær eller arbeider i Sløvåg har meir symptom på sår hals i dag enn andre.

Ikkje teikn til kreft

Det er utført ei undersøking av p53, eit protein som vert aktivert når det er behov for reparasjon av celler i kroppen, for eksempel for å hindre kreft.

- Førebels er halvparten av prøvane analyserte. Det er ikkje skilnad i p53 mellom dei som bur nær og fjernt frå Sløvåg. Dette betyr at det ikkje er teikn til celleforandringar av denne typen forårsaka av ulykka, fortel Hollund.

Arbeidstakarane i Sløvåg har høgare p53 enn dei andre gruppene. Dei som røyker har også ei slik endring. Det er høg førekomst av røykarar i arbeidstakargruppa, og det er mogeleg funna kan forklarast av dette, skriv Helse Bergen i ei pressemelding.

Over 700 undersøkte

Totalt 1016 personar vart inviterte til helseundersøkinga etter eksplosjonsulykka i Sløvåg mai 2007. Undersøkinga fann stad frå november 2008 til april 2009, og 734 personar møtte opp. Av desse var 227 kvinner, 382 menn og 125 barn under 17 år. Deltakarprosenten er på 72.

Deltakarane vart delte i tre grupper: Dei som budde nær Sløvåg, dei som budde fjernt frå Sløvåg og dei som arbeidde i Sløvågområdet. I den siste gruppa var også brannmannskap frå Bergen, Mongstad, Gulen, Masfjorden, ferjemannskap og oppryddingsmannskap med.

Resultata frå dei tre gruppene er samanlikna i etterkant.

Helseundersøkinga vert utført av legar ved Haukeland Universitetssykehus og vil gå over fem år .

I fjor slo Folkehelseinstituttet fast at helseplagene vil forsvinne når avfallet blir fjerna frå Sløvåg.

Ingen personar omkom i eksplosjonsulukka .

Økokrim har teke ut tiltale mot tre personar etter eksplosjonen.

Publisert 29.06.2009, kl. 17.33 Oppdatert 29.06.2009, kl. 18.57
Del på Facebook Del på Facebook Del på Twitter Del på Twitter Del på epost Del på epost

Trafigura og Sløvåg-eksplosjonen

Karl-Jan Erstad, Rådgivande Agronomar

«Professoren» sin kamp for å reinvaska seg

Eksplosjon i Sløvåg

411 dagar gjekk før staten tok ansvar – kan ha gjort folk sjukare

Mer om: Trafigura og Sløvåg-eksplosjonen

NRK anbefaler

Susanne defineres som toppidrettsutøver: Det forstår hun lite av

Vil bruke like mye strøm som en hel by – kan øke alles strømregning

NRK Vestland

  • Telefon Bergen:  55 27 57 70
  • Telefon Førde:  57 72 42 42
  • E-post:  vestland@nrk.no
  • Distriktsredaktør:  Dyveke Buanes
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.


Nyhetstips 03030 Nyhetsbrev

Kontakt

  • Om NRK
  • Kontakt NRK
  • Lisens
  • Publikum i NRK
  • Delta i NRK-programmer
  • Jobb i NRK
  • Presse

Hjelp

  • Brukerstøtte
  • Tilgjengelighet
  • Personvern
  • Informasjonskapsler (cookies)

Tjenester

  • Yr
  • NRK Skole

Produksjon

  • Eksterne produksjoner
  • Produksjonsfolka
  • Retningslinjer og design

Salg

  • Spons og salg
  • NRK Butikken
Til toppen
NRK Opphavsrett NRK © 2021 Ansvarlig redaktør: Thor Gjermund Eriksen Nettsjef: Hildegunn Soldal