Fkade får ikkje returnere til Norge

Mannen frå Eritrea skulle ut av landet fordi han prøvde å lure norske styresmakter og fordi han hadde brote norsk lov.

- Han stakk seg også vekk då det var tale om utsending i mars 2009. Han oppheldt seg på ukjent stad, seier informasjonssjef i Utlendingsnemnda, Bjørn Lyster.

Budde utan lov

Utvisningssaka i Florø har vakt eit stort engasjement . Eritreiske Simon og Fkade Thaye budde i kystbyen i eitt og eit halvt år før dei for ein månad sidan vart sendt ut av landet . Ei eiga aksjonsgruppe har arbeidd for å få dei to tilbake til Florø . Saka tok ei ny vending då det vart kjent at Thaye prøvde å lure norske styresmakter for å få bli i Norge .

• LES OGSÅ: - Far til Simon fila fingertuppane

- Han hadde ikkje rett til å vere der. Han har hatt plikt til å reise heim ei god stund. Når ein ikkje reiser frivillig, slik ein skal gjere, så er det snakk om tvangsretur, slik det vart i denne saka, til Italia, seier Lyster.

• (ARTIKKELEN HELD FRAM UNDER TV-INNSLAGET)

Denne videoen er dessverre ikke tilgjengelig. Kontakt oss dersom du har spørsmål.

Har reiseforbod til Norge

Ifølgje Utlendingsnemnda skal Fkade ha fila fingertuppane sine for å prøve å unngå at fingeravtrykk viste at dei to først kom til Italia. No kjem det også fram at det var umogleg å finne dei, då politiet i mars skulle sende dei ut av landet. Sidan den tid har Simon og faren vore ulovleg i Florø.

• LES OGSÅ: - Urett å file fingertuppane

- Han har brote utlendingslova, og er utvist for det. Det å bli utvist er noko anna enn å bli tvangsmessig returnert. Det medførar at han også har innreiseforbod til Norge, fordi han ikkje gjorde som han skulle som asylsøkjar, seier Lyster.

• (ARTIKKELEN HELD FRAM UNDER TV-INNSLAGET)

Denne videoen er dessverre ikke tilgjengelig. Kontakt oss dersom du har spørsmål.

- Kan ikkje reise til Norge

- Han kan ikkje reise attende til Norge, held Lyster fram om følgjene etter at Fkade ikkje la korta på bordet og gjorde det vanskeleg for norske styresmakter å finne ut kven han var, og kvar han hadde vore.

• LES OGSÅ: - Skivebom av Sjeggestad

Både Simon og Fkade bur no under open himmel i den italienske byen Bari . No er det opp til italienske styresmakter å avgjere om dei to får bli i Europa.

• (ARTIKKELEN HELD FRAM UNDER TV-INNSLAGET)

Denne videoen er dessverre ikke tilgjengelig. Kontakt oss dersom du har spørsmål.

Angrar ikkje på støtte

- Italia, som no handsamar saka, er bunden av dei same konvensjonane som Norge og må slik sett handsame det ut ifrå flyktningkonvensjon, barnekonvensjon og dei konvensjonane som er relevante, seier Lyster.

• LES OGSÅ: - Fokus på Simon

Flora-ordførar Bente Frøyen Steindal (Ap) har engasjert seg sterkt i saka . Sjølv om det no er kome fram nye opplysningar, angrar ho ikkje på støtta ho har gjeve. Frøyen Steindal viser til at ein her har med eit lite barn å gjere.