– Eg har ikkje fått ein einaste fisk, seier Huseklepp fortvila.
Sist han opplevde dette var på 80-talet, og sjefsfiskaren seier det verken er mangel på innsats eller forhold i elva.
- LES OGSÅ:
Ikkje eit napp
Huseklepp er kjend for å kjenne dei fleste triks i boka for å ha fiskelukke.
Han har hatt fiskeskule med ut.no, og han har fått store laksar på direkten med NRK. Men sidan startskotet for laksefisket gjekk 1. juni har det vore stille sjefsfiskaren.
Etter å ha fiska i 42 dagar står Huseklepp utan å ha hatt så mykje som eit napp på kroken.
– Vanlegvis kjenner du i det minste at fisken nappar litt på sluken, men ikkje i år. Eg er rett og slett bekymra, seier sjefsfiskaren.
(Artikkelen held fram under biletet)
Færre fisk i elvane
Det er registrert færre fisk i lakseelvane så langt i år, enn i fjor. Likevel er fisken som vert fanga større.
– Det har vore ein treigare start enn tidlegare sesongar, seier Svenn Morten Eikeset i Eid sportsfiskarlag.
Laksefisket i elvane opna 1 og 15 juni. Så langt er det fanga litt færre fisk enn i fjor, men han er større, fortel Eikeset.
- LES OGSÅ:
- LES OGSÅ:
Best i Nausta
Eiliv Erdal i Naustdal Elveeigarlag seier dei har strenge fiske-restriksjonar i Nausta, samanlikna med andre. I Nausta er allereie ein av kvotane fiska opp.
– Her har det vore eit bra år så langt. Det er det nest beste året dei siste fem åra i Nausa, seier Erdal nøgd.
- LES OGSÅ:
Både i Årøyelva og Stryneelva er laksefisket omtrent som i fjor. I Lærdalselva er måla innfridde, medan det i Flekkelva er mindre enn vanleg. Preben Moen ved Gloppen hotell registrerer at fisken er seinare opp i elva.
– Gloppenelva har jo vore stabil. vi har tatt mykje storlaks. Vi hadde ein ny rekkord på 17, 7 kilo. Vi har tatt opp færre enn i fjor, men det er mykje fisk her, seier Preben Moen.