Prisen, eit grafisk trykk av Nico Widerberg, vart overrekt under Språkdagen i NRK, der alle NRK sine språkkontakter var samla.
- Ros er inspirasjon og motivasjon, slo Sælthun Fjørtoft fast under utdelinga.
Heidra for nynorsken
Lærdølen starta i NRK i 1969 og har sidan vore programmedarbeidar. Blant roller som produsent, programleiar, kommentatorlesar og omsetjar, er det nok som kanalvert Sælthun Fjørtoft er mest kjend.
I grunngjevinga vert det spesielt trekt fram at ho er svært oppteken av språkrøkten og språkbruken i NRK. Sælthun Fjørtoft har også utanfor NRK stått fram som ein ivrig ivaretakar av nynorsk.
- Det er ei utruleg glede å få ei slik påskjønning for noko eg har jobba med og vore oppteken av i så mange år, ja heilt liv faktisk. Det er godt å bli sett og høyrt, og verdsett for det ein gjer, sa ho.