– Det er skremmande. Når det er så tørt, så er det ingen spøk. Det er fire hus som er berre 100 meter unna. Hadde det teke skikkeleg fyr, så hadde det brunne oppover mot dei husa, seier John Ertesvåg.
I går kveld brann det på
i Sogn omtrent samstundes. Først i Amla klokka 17.30, så på Dalaker klokka 18.22. John Ertesvåg er tilbake med NRK på staden der han fann fyrstikker i går kveld, på Dalaker.– Vi såg det låg ferske fyrstikker midt oppe i her det hadde brunne. Og det var sykkelspor inn og ut også. Dei som driv med terrengsykling på Kaupanger, brukar ikkje å sykle her.
Medan Ertesvåg er tilbake på staden med NRK, finn han ei fyrstikkeske i graset.
Seks brannar på to veker
Med ekstrem stor skogbrannfare i Sør-Noreg er det svært lite som skal til for at store område går tapt om det først tek fyr. Kaupangerskogen i Sogndal kommune er ein av dei største skogane på Vestlandet, og det er store verdiar i furuskogen, som fleire stader ligg tett inntil busetnad.
. Fire i Amla og to oppover mot Dalaker, to område om lag fire kilometer frå kvarandre i luftlinje. Takka vere rask innsats frå sivile og brannvesen, har dei små skogbrannane ikkje fått utvikla seg til noko større.
– Det er skremmande. Eg håper politiet finn ut av det, og at dei set store ressursar på saka, seier Ertesvåg.
Trur brannane er påsett
Brannane dei siste vekene har blitt eit tema ved Kaupanger skule. Rektor ved skulen, Kjell Ertesvåg, seier det har vore viktig å snakke om det som har skjedd.
– Eg merkar at elevane er opptekne av det. Vi snakkar om at alle må følge med. Vaktene er også ekstra observante no. Er elevane på utflukt, så er vi ekstra observante.
– Er det redsel for at det skal bli fleire brannar no?
– Det trur eg nok. Med såpass mange brannar på så kort tid, har det dreia seg om at dette må vere påsett, seier Ertesvåg.
– Hugs det du ser på tur
Politiet etterforskar breitt, og vil ikkje seia om dei trur det er påtent eller ikkje.
– Me held på med etterforsking no, og ser alvorleg på det. Det kan få store konsekvensar om det tek skikkeleg fyr, seier lensmann i Sogndal, Inger Lill Lanes.
– Me oppfordrar folk til å melda frå om dei har sett noko, og at dei «har auga med seg» på tur og hugsar det dei ser.