Fisket starta første juni, og håpet var ein god sesong etter nokre magre år med dårleg fiske.
I Årøyelva i Sogndal har det vore ein rekordstart på sesongen.
- LES OGSÅ:
– Eg var nede og prøvde lukka klokka 07.15 1. juni, og allereie 07.35 hadde eg den første laksen på. Vi tok tre laks berre den morgonen, og sidan har det gått slag i slag, seier grunneigar i Årøyelva i Sogndal kommune, Knut Munthe Olsen.
FANTASTISK: Grunneigar i Årøyelva, Knt Munthe Olsen, har grunn til å smile.
Foto: Arve Uglum / NRKSer ut til å bli betre enn i fjor
Med eit snitt på ti kilo per fisk, kan fiskarane i Årøyelva smile frå øyre til øyre.
– Det er heilt utruleg. Vi har hatt ei svært positiv utvikling dei siste åra. I 2010 hadde vi ein svært god fangst, og i fjor var det eventyrleg. I år har det starta endå betre enn i fjor, seier Olsen.
I Gaula er det til no fiska like mykje som i fjor på same tid. Men fleire storfiskar gir høgare snittvekt.
– Til no ser alt svært bra ut. Så får vi håpe det held fram på same måten, seier Atle Frøysland i FabelAktiv.
- LES OGSÅ:
- LES OGSÅ:
(Artikkelen held fram under TV-innslaget)
Laksefiske i Flekke elva
Pangstart i Gloppen
Også i Nausta ligg forholda svært godt til rette for eit godt fiske når elva opnar 22. juni.
– Observasjonar i elva tyder på at det er veldig bra med laks i år, seier Frøysland.
For Gloppenelva har det også blitt ein pangstart. Ifølgje Gloppen Hotell – eigar, Dag Moen, har alle fiskekorta vore utselde i lang tid.
– Berre på dei 35 første minutta stod det seks fiskarar som hadde fått laks på kroken. Det var ein heilt utruleg start, seier Moen.
- LES OGSÅ:
- LES OGSÅ:
Har ingen fiskekort att
Heller ikkje i Flekke er det eit einaste fiskekort igjen. Men fiskeentusiast Bjarne Huseklepp ventar på meir vatn før han slepp jubelen laus.
– Vi har hatt lite vatn og det har vore kaldt og mykje nordavind. Regn derimot, er musikk i mine øyre, seier Huseklepp.