Sjukehusaksjonen i Nordfjord gjekk rettens veg for å prøve å stoppe at den ortopediske avdelinga ved Nordfjord sjukehus skulle leggjast ned. Men nordfjordingane tapte på alle punkt, og den omstridde avdelinga er no historie.
- LES OGSÅ:
Må ut med 987.000
Sjukehusaksjonen vart også dømt til å betale både sine og motparten sine sakskostnader. Tidlegare har det kome fram at dei samla sakskostnadene er på 840.000 kroner. Men etter at NRK har gått grundig gjennom tala, viser det seg at dei samla kostandene kjem opp 987.000 kroner.
Legg lok på saka
Leiaren for Sjukehusaksjonen i Nordfjord, Svein Hansen, vil ikkje kommentere at sakskostnadene er langt høgare enn det som tidlegare har kome fram. Han vil heller ikkje kommentere korleis sjukehusaksjonen skal få betalt den kostbare rekninga.
- LES OGSÅ:
- LES OGSÅ:
Advokatane jobba 339 timar
Advokatformaet Harris har jobba 339 timar for sjukehusaksjonen i samband med rettssaka i Bergen. Med nokre småutgifter i tillegg skal Harris ha til saman 585.000 kroner. Sjukehusaksjonen må også punge ut 402.000 for Helse Førde sine sakskostnader. Den samla summen blir dermed på 987.000 kroner
Må betalast innan tre veker
Dessverre for sjukehusaksjonen så stoppar ikkje utgiftene med dette. Med reise-og overnattingsutgifter vil dei samla kostnadene i samband med rettssaka i Bergen kome på godt over ein million kroner. Rekninga må betalast innan tre veker. Sjukehusaksjonen har så langt ikkje bestemt seg om saka vil bli anka inn for lagmannsretten.
- LES OGSÅ: