Kvar veke tek elevane bussen til og frå skulen. Fremst i bussen sit sjåføren trygt festa med setebelte, men passasjerane er ikkje like viktige for lovverket.
I skulebussen finst det berre fire seter med belte.
- Det er ganske dårleg, seier elevrådsleiar ved Lavik skule Christer Systad til NRK.
- LES OGSÅ:
- Prioriterer belte til dei minste
Med berre eit fåtal belte i den store bussen må elevane sjølve gjere valet om kven som skal sikrast.
- Vi prioriterer at dei minste får sitte i seta som har belte, forklarar Systad.
At skulebussen ikkje har fleire belte er eit resultat av at det ikkje er påbode med setebelte i bussar registrerte før 1999. Busselskapa har ikkje prioritert sikring av alle.
- Vi har snakka med Firda Billag og sagt vi vil ha skikkelege bussar med belte. Men det verkar som dei ikkje vil prioritere mindre plassar, seier Systad.
- Det vert for dyrt
I 2010 var det
berre i Sogn og Fjordane.For direktøren i Firda Billag er spørsmålet om belte eit spørsmål om økonomi.
- Dersom vi skulle hatt belte på plass i alle bussane i morgon, vil det koste oss mellom 45 og 50 millionar. Det går ikkje, seier administrerande direktør Peter Midthun i Firda Billag til NRK.
- LES OGSÅ:
- Burde sikre det mest verdfulle vi har
Setebelte for alle skal vere på plass innan tre år. Men sjølv han som er godt sikra i dag, synst det er for seint.
- Ein skal ikkje bruke argumentet om at det er for kostbart i eldre bussar. Dei ansvarlege må vere klar over at ungane er det mest verdfulle vi har, seier bussjåfør Kåre Berge.