Ein stor stein har rasa ned og ligg delvis inn i vegbana på riksveg 15 ved Bryggja. Forbipasserande opplyser til NRK at det og ligg ein del mindre stein i vegbana, men at det er passasje for bilar. Ketil Molvær ved Vegtrafikksentralen i Lærdal seier at entreprenør er på veg til staden.
På Fv 55 ved Marheimsgilet like sør for Gaupne er det no opna for at personbilar kan passere staden der eit vogntog mista lasset og sperrar delar av vegen. Vegen er stengt for store køyretøy.
Fylkesveg 55 mellom Indre Hafslo og Marifjøra er stengd ved Marheimsgjelet på grunn av bilberging. Vegen vil vere stengd i ein time. Det er lange køar på staden etter at ein semitrailer har mista lasset.
Ein innringar har tipsa om at det er mykje kø og til tider kaos på den lysreguleringa langs Jølstravatnet som ligg nærmast Førde. Det skal vere dårleg veg med mykje holer i og somme stader mykje overflatevatn i området.
