Ekstraordinært møte i Alver
Ordførar Sara Sekkingstad (Sp) i Alver har i dag klokka 13 kalla inn til ekstraordinært formannskapsmøte for å drøfta personalspørsmål unntatt offentlegheit.
Ingen av partia sine gruppeleiarar veit kva dagens møte skal handla om, eller om formannskapet skal gjera eit vedtak eller berre bli orientert.
Det er sett av fire timar, og også parti som ikkje sit i formannskapet er kalla inn. Ifølge kommunelova har politikarane i ein kommune berre direkte personalansvar for éin person: kommunedirektøren/rådmannen. Basert på ein kritisk konsulentrapport, retta kommunestyret i februar sterk kritikk mot kommunedirektør Ørjan Raknes Forthun si handtering av to saker der lærarar var skulda for trakassering av elevar.
Ordføraren vil ikkje stadfesta at temaet er Forthun si stilling, eller svara på andre spørsmål. Forthun har ikkje svart på NRKs forespurnad.