Etter ei våt veke vil deler av landet få ein pust i bakken, men lang blir han ikkje.
– No roar det seg litt etter «Gyda», seier statsmeteorolog Unni Nilssen.
Ho lover opplett «dei aller fleste plassar på Vestlandet» i kveld og fram til laurdag formiddag.
– Eit lite vêrvindauge der altso, smiler Nilssen.
Ho legg til at det elles «ser rimeleg greitt ut» for Aust- og Sørlandet.
I Finnmark kan folk vente seg godt vêr på søndag.
Mykje vind og nedbør
Elles er vêrbilete er temmeleg uroleg, og frå søndag vil Vestlandet slutte seg til Nord-Noreg og få mykje vind og nedbør.
Søndag vurderer meteorologane om dei skal sende farevarsel om vind i Møre og Romsdal, Trøndelag og i fjella nord for Dovre.
Vinden kjem òg til å ta godt tak oppover mot Nordland.
Men: Den komande veka kjem det stadig nye lågtrykk inn frå vest og dermed er det regn i vente frå Bergen i sør til Lofoten i nord.
Vind i fjellet
Det heng att litt vind i fjellet enno men det skal dabbe av i ettermiddag tryggar meteorologen.
Men kvelden kan by på vanskelege køyreforhold for meteorologane har send ut eit gult farevarsel om snøfokk i fjella i Sør-Noreg.
Varselet gjeld ut over fredags kvelden.
Vurderer framleis skredfaren
Hjå NVE er framleis etterdønningane av «Gyda» høgst gjeldande.
– I vår tid har vi aldri meldt om så stor fare for skred, sa Aart Verhage, regionsjef i NVE, til NRK på onsdag.
I morgon vil skredfaren roe seg noko, men berre nok til at hydrologane vurderer å redusere frå faregrad 4 til 3, som tyder betydeleg eller moderat skredfare.
Den som absolutt vil ut på ski, må sjekke varsla nøye og halde seg i trygge område, seier Solveig Korsberg i NVE.
– Det blir betre skihelger, seier ho.