Dei to fotballfedrene i Vadheim har planar om å la telefonen ringe, og vie all merksemd til kveldens einaste oppgjer i 1. divisjon.
- Følg:
- Mange år til neste gang
For mot alle odds har den vesle bygda, med sine knappe 500 innbyggjarar, klart det få bygder klarer. Å få fram to jamgamle fotballspelarar av veldig god 1. divisjonskvalitet - Even Hovland og Vegar Gjermundstad.
(Artikkelen held fram under avstemminga)
- Det kan vere mange år til neste gang. Dersom det skjer igjen, seier Oddvin Hovland.
- Spesielt
I bortegarderoben på Bislett i kveld, tek midtstoppar Even Hovland sogndalstrøya over hovudet. I heimegarderoben sit barndomskompisen Vegar Gjermundstad klar til å gjere sitt for å forsvare målet til Lyn.
- SJÅ:
- Det er veldig spesielt at to slike spelarar kjem frå ei så lita bygd, meiner Jarle Gjermundstad.
- Fekk ein del «juling»
Gjermundstad og Hovland trente dei to gutane byrja å spele fotball. Ingen av dei er overraska over at Vadheim no produserer fotballspelarar i tempo som berre Flo-bygda har klart tidlegare.
- Vi såg tidleg at dei var veldig villige til å yte det dei skulle. Dei møtte alltid opp og det var aldri noko tull, seier Gjermundstad.
- Dei har alltid måtte spele mot eldre spelarar. For mange lag på små plassar må ein ha med fleire alderstrinn. Det har gjort at dei har fått ein del «juling» i ung alder, legg Hovland til.
Har statistikken mot seg
Sogndal har statistikken mot seg når dei i kveld entrar Bislett stadion. Seks av dei ni siste møta i Oslo har enda i heimesiger. Resten har enda uavgjort. Største tapet kom i 1992 då Lyn vann 7-3.
Når laga i kveld møtast for 10. gang sidan 1991 på Bislett, er Sogndal knappe favorittar. Men ingen av fedrene i Vadheim vil spå utfallet.
- Nei, eg håpar sjølvsagt på Sogndal, men eg vågar ikkje tippe noko resultat, seier Hovland.