Dørfabrikkar får frist til 2012

Dørfabrikkane gjekk i 2009 med tilsaman 50 millionar kroner i underskot.

Konsernsjef i Dooria, Mikkel Sandvik, seier dei to neste åra blir avgjerande for lagnaden til fabrikkane.

• LES OGSÅ: Dooria kan bli lagt ned

- Vi kan drive med underskot ei stund til, i alle fall godt ut i 2011 og kanskje ut 2011. Men vi må sjå klare teikn til betring og ha ei klar forståing av at vi vil kunne lukkast på eit gjeve tidspunkt som må vere 2012 eller tidlegare, seier han.

Klar forbetring

Fabrikkane i Årdal og Utvik har dei siste åra nedbemanna med eit minimum for å kunne halde hjula i gang. Det betyr at berre auke i volum kan berge dei to fabrikkane frå nedlegging.

• LES OGSÅ: Dørfabrikk taper store pengar

I sommar kom Credo Partners inn med frisk kapital som majoritetseigar av Dooria, som er den nest største dørfabrikken i Skandinavia. Eigarskifte meiner Sandvik gjer at rekneskapen i år vil sjå mykje betre ut.

- Definitivt. Særleg andre halvår etter at dei nye eigarane kom inn vil bli vesentleg betre enn første halvår. Vi er definitivt på betringens veg i ein marknad som generelt er positiv, seier han.