I fleire år har strøymekongane frå Bergen, Kygo og Alan Walker, vore dei artistane som har lege høgast på skattelistene blant norske artistar.
Dei drog også inn pengar i fjor. Kyrre Gørvell-Dahll hadde vel 46 millionar kroner i inntekt, og vart med det den nordmannen med 79. høgast inntekt. Det er likevel betrakteleg lågare enn i 2019, då han tente 77.494.452. Også formuen til Kygo minka frå 2019 til 2020, frå nesten 133 millionar til 103 millionar.
Alan Walker tente like over 19 millionar i 2020. Også hans inntekt var høgare i 2019, då den var over 26 millionar.
Også den artisten som blei strøyma mest på Spotify i Noreg i fjor, Tix, drog inn eit tosifra tal millionar, nærare bestemt 15.775.217.
Elles var Kygo den tredje mest strøyma artisten på Spotify i Noreg i fjor, medan Alan Walker hamna på 6.-plass.
Støtteordning ikkje utan kontroversar
Støtten som har blitt gitt til kulturlivet etter koronapandemien har ikkje vore heilt utan kontroversar.
I mars i år gjekk komikar Rune Bjerga ut reagerte på at enkelte artistar fekk millionbeløp, medan andre har måtta selja gitaren for å betala rekningar.
VG har skreiv i januar i år om at seks personar i Kurt Nilsen sin julekonsertturne i fjor delte 5,4 millionar kroner. Sjølv hadde Nilsen ei inntekt på 4.637.901 i fjor, samt ei formue på 15.796.845.
Artisten Sigrid er ein av dei som har betalt tilbake koronatilskotet ho fekk for 2020. Tilskotet var på 3,25 millionar kroner. Sjølv hadde ho ei inntekt på 1.040.410 og ei formue på 4.604.677 kroner i fjor.