– Ulrik (Flo) og eg utfyller kvarandre, sa Mahatma Otoo etter at han skåra for fyrste gong i sogndaldrakta og bidrog sterkt til at laget sikra seg ein livsviktig siger mot Sandnes Ulf søndag kveld.
- LES OGSÅ: Klatrer ut av bunnstriden
Førespelet til målet stod nettopp spissmakkeren frå Stryn for:
– Ulrik er ein veldig god spelar som hoppar høgt. Kvar gong han går i hovudduell, prøver eg å vera der ballen dett ned, sa den ghanesiske landslagsspelaren etter kampen.
- LES OGSÅ: Kritiserer trenaren sin taktikk
- LES OGSÅ: Sogndalspiss må slite benken
Radarpar
Luftstyrken til Flo og Otoo sine ferdigheiter langs bakken plaga Sandnes Ulf i starten av kampen.
For Flo var det ei lukke å hamna i tospann med den kvikke ghanesaren.
– Eg gjorde det eg alltid plar gjera, gå på ballen og stussa. Kvar gong var Otoo der og snusa. Det verka naturleg for han. Så det er klart at me passar godt i hop, sa Flo og meinte at lagkameraten frå Ghana hadde den største æra for at dei to stod fram som eit radarpar på Fosshaugane.
– Det er mest han som finn stussen min, og ikkje eg som finn han. Og når eg slår ballen inn frå kanten, kjem han på løp. Han er flink til å finna dei rette romma.
(Artikkelen held fram under videoen)
- LES OGSÅ:
- LES OGSÅ:
Ny formasjon
Den siste tida har sogndalstrenar Jonas Olsson fått kritikk for spela for defensivt og for å prøva å forsvara seg til eliteseriekontrakt.
Før kampen hadde Olsson lagt om formasjonen frå 5-3-2 til 4-4-2. Otoo meinte den endringa var naudsynt.
– Ved å spela med to spissar på heimebane skapte me ein meir angrepsvillig fotball, og eg trur det hjelpte oss til å vinna i dag, sa Otoo.
Ros frå trenaren
Etter kampen venta ros til spissparet frå trenar Olsson.
– Det fungerte veldig bra. I fyrste omgang spelte laget dei gode. I dei fyrste 25 minuttane mata me dei med ballar, og det var effektivt.
Olsson avviste at det var dei siste vekene med ordskifte rundt spelestilen til Sogndal som fekk han til å endra formasjonen før kampen mot Sandens Ulf.
– Det avgjerande for å gå tilbake til to sentrale midtbanespelarar, var at me hadde Rune Bolseth klar til denne kampen. Me veit at når me spelar 4-4-2 med den aggressiviteten me såg i den fyrste omgangen, så passar den formasjonen godt oss, men det er ikkje alltid like lett å få til, sa Olsson.
(Artikkelen held fram under videoen)
- LES OGSÅ:
– Ikkje frustrert
For Mahatma Otoo kjendest det forløysande å laga det fyrste målet for Sogndal. Han kom som toppskårar og stjerne i Ghana.
Men i Sogndal har landslagsspissen, som etter alt å døma er klar for Brasil-VM neste år, måtta slita benken, fordi Sogndal i dei siste kampane har prøvd å forsvara seg til ny eliteseriekontrakt.
For Otoo har overgangen frå Vest-Afrika til Vestlandet har vore krevjande.
– Det er ikkje enkelt å koma frå Afrika og tilpassa seg den europeiske fotballstilen. Men eg har ikkje vore frustrert. I Ghana spelte eg for ein toppklubb og måtte venja meg til press frå alle kantar. Her i Sogndal har eg difor kjempa hardt på treningane for å overtyda trenaren at eg fortener å starta, fortel han.
(Artikkelen held fram under videoen)
Fornya eliteseriekontrakt
Otoo sin 1-0-skåring og frisparkmålet til Malick Mane seinare i fyrste omgang sikra Sogndal ein livsviktig 2-1-siger, tre poeng og eit langt steg vekk frå nedrykkssumpen.
Med to kampar att har Sogndal har tre poengs klaring til Sandnes Ulf, og det er fem poeng ned til Tromsø på kvalifiseringsplass. Sogndal møter Hønefoss borte i neste kamp.
- LES OGSÅ: