Dårleg val, men nesten like mange ordførarar

Partiet gjekk tilbake med over fire prosentpoeng ved kommunevalet i Sogn og Fjordane. Likevel kapra dei berre ein ordførar mindre enn ved førre val.

• Sjå: Her får du alt om valet i Sogn og Fjordane

Fylkesleiar Arve Mjømen trur det årsaka er godt likte høgrekandidatar.

• Sjå: Desse skal styre kommunane i fylket

– Dei er funne verdige til å vere ordførarar. Andre vart ordførarar i kraft av røystene, som til dømes i Askvoll, Aurland og Stryn, seier Mjømen.

Avtalebrot

Audun Åge Røys vart partiet sin siste ordførar, då han i går fekk ordførarklubba i Bremanger i hendene. I tillegg har Høgre ordførarane i Førde, Hornindal og Gaular.

• Les også: Her kan du sjekke yrkesbakgrunnen til ordførarane

I fleire kommunar har forhandlingane vore kontroversielle. Og både i Selje og Bremanger hagla skuldingane om avtalebrot.

• Les også: – Eg kjenner meg rett og slett dolka i ryggen

– Bremanger har eg forstått at dette er ganske greitt. Ap har på nytt prøvd å lage uorden i rekkjene og soleis gjekk resultatet som det gjorde, seier Mjømen.

– Så det er ikkje Høgre som knuffar seg veg, har spisse olbogar og bryt avtalane?

– Slik eg har lese dei meldingane og pressemeldingar som ligg, så stemmer ikkje det.