Cruiseskiptrafikken fører til mest ureining per passasjer

Det kjem fram i ein rapport signert Vestlandsforsking, som kom like før jul, ifølgje Bergens Tidende.

I rapporten vert ulike former for turisttransport til og frå Vestlandet samanlikna. Ein har teke utgangspunkt i ein ferietur på sju dagar som startar i Hamburg i Tyskland og har endestopp Bergen.

Vidare har Vestlandsforsking samanlikna utsleppa per passasjer frå cruise-, fly-, bil- og bussferie.

• LES OGSÅ: Ventar kraftig auke i cruisetrafikk
• LES OGSÅ: Havbunnen utenfor Stavanger skal undersøkes

Ureinar ti gonger meir

Samanlikninga syner at dei samla utsleppa frå cruisetrafikk per passasjer er om lag ti gonger høgare enn dei andre ferieformene.

I rapporten vert det understreka at energibruken og utsleppa av klimagassar frå cruiseturismen er små samanlikna med dei samla utsleppa frå reiselivet. Likevel kan dei lokalt spele ei stor rolle, skriv avisa.

Studien er gjort på oppdrag frå Sogn og Fjordane fylkeskommune og Regionalt Forskingsfond Vestlandet.

• LES OGSÅ: Rekord i cruisetrafikken
• LES OGSÅ: Vil forlange eiga cruisebåt-avgift

Men i Flåm er det verst om vinteren

Målingar som Aurland hamnevesen tek dagleg, syner at lufta i Flåm, som er ein av dei største cruisedestinasjonane i fylket, er dårlegast på vinteren. Trass i at det då er få eller ingen cruiseskip i Sognefjorden.

Målingane syner at det i juni knapt er utslag på målaern, medan tilsvarande målingar gjort i slutten av januar syner høgare NOx-verdiar.

Kritikarar av målingane hevdar derimot at årsaka til dette er at målaren er sett opp på den staden i bygda der luftkvaliteten er best, og at ein derimot merkar det svært godt på lufta dei dagane det ligg mange cruiseskip på fjorden, skriv Bergens Tidende.

• LES OGSÅ – Vi skal konkurrere med Bergen om cruisetrafikken, men vi må også lære av Bergen :
• LES OGSÅ: Reiselivsguru meiner cruiseturistar er eit problem for små bygder