Underslaga skal ha skjedd ved to høve. I perioden juli til oktober 2001 tok han til saman 73.938 frå safen i butikken han jobba i. To år seinare forsynte han seg med ytterlegare 281.000 kroner frå safen. I denne perioden stal han sigarettar for nærare 2000 kroner frå arbeidsgjevaren.
Til speleautomatar
Pengane frå underslaga skal mannen ha brukt til å spele på automatar. Mannen har gitt full tilståing i saka, og retten har i formildande retning lagt vekt på at han sjølv også melde frå om saka når det gjeld mesteparten av underslaget.
Fem månader
Retten har funne at fem månader fengsel er ei passande straff for mannen, men han slepp å sone 90 dagar i fengsel dersom han betaler arbeidsgjevaren tilbake 100.000 kroner i løpet av prøvetida som er sett til to år.