Brukar kommunereforma som brekkstong

Jardar Jensen er statssekretær i Kommunaldepartementet, og det er dei som styrer regjeringa sitt arbeid for å få færre og større kommunar i landet.

Statssekretæren legg ikkje skjul på at dei blir kontakta av kommunar landet rundt, der politikarane ser kommunereforma som ei brekkstong for å få på plass tunnelen eller brua dei har kjempa for i årevis.

Men kommunar som slår seg saman, vil ikkje automatisk få prioritet i neste Nasjonal Transportplan, NTP, slår Jensen fast.

– Ei samanslåing i seg sjølv fører ikkje til at ein får eit prosjekt prioritert i NTP. Men det er klart vi vil sjå til dei nye kommunegrensene når den blir utarbeidd, seier Jensen.

• LES OGSÅ: Let seg lokke av ekstramillionar

– Må prioritere dette

Også i Sogn og Fjordane håpar politikarane at kommunesamanslåinga skal få fart på samferdsleutbygginga.

I Sogn står til dømes det vêrutsette Vikafjellet i vegen for at Vik skal kunne slå seg saman med nabokommunane i sør.

I Nordfjord har både Gloppen og Eid vedteke å slå seg saman dersom det kjem ei bru som erstattar ferja mellom Anda og Lote.

Eid-ordførar Alfred Bjørlo (V) meiner regjeringa må prioritere vegar, bruker og tunnelar som kan byggje større bu- og arbeidsmarknadsregionar, som igjen kan leggje til rette for storkommunar i framtida.

– Dette er spesielt relevant på Nordvestlandet. Transportøkonomisk institutt har laga ein rapport som viser at potensialet for å bruke samferdsle som verkemiddel for regionforstørring er størst i Sogn og Fjordane og Møre og Romsdal. Nordfjord og Sunnmøre-regionen er eit veldig godt eksempel på det, seier Bjørlo.

• LES OGSÅ: Viss det kjem bru, sler desse to seg i hop
• LES OGSÅ: Regjeringa kan kome til å gå for bru i indre - desse to vil ha bru Anda-Lote, uansett
• LES OGSÅ: Fylkeskommunen kan tape millionar om kraftkommunar sler seg saman

– Eg forstår den argumentasjonen, seier Jensen i departementet og held fram.

– Men vi ønskjer ikkje binde opp det enkelte prosjekt, difor gir vi heller ei reformstøtte, ei rein kronestøtte som kommunane sjølve kan bruke til det dei meiner er naturleg å bruke pengane på, seier han.

• LES OGSÅ: Dansk ekspert ber Sanner bruke meir tvang mot kommunane
• LES OGSÅ: Slik skal kommunene lokkes til sammenslåing