Hopp til innhold

Brann slapp med skrekken på heimebane – uavgjort mot FC Rosengård

Brann Kvinner møtte motstand på vegen mot Meisterligaen. Det vart uavgjort på Brann stadion.

Svava Rós Gudmundsdóttir scorar for Brann Kvinner

SCORING: Svava Ròs Gudmundsdóttir stod for fyrste scoring etter 20 minutt.

Foto: Marit Hommedal / NTB

Stemninga var i taket då Svava Rós Gudmundsdóttir sette inn eit kanonskot etter 20 minutt op Brann stadion.

Draumen om Meisterligaen levde i beste velgåande heilt til Olivia Holdt heldt utlikna etter 78 minutt.

Brann skaffa seg mange brot og fekk mange fine overgangsmuligheter, men det var alt i alt for upresist til at de har klart å skape de helt store sjansane.

Les heile kampreferatet her.

Svava Rós Guðmundsdóttir

Svava Rós Guðmundsdóttir i aksjon mot FC Rosengård.

Foto: Marit Hommedal / NTB

– Fantastisk å sjå kor stor støtta til kvinnelaget er

Over 6000 tilskodarar hadde kome seg til Brann Stadion for å sjå kvinnene i aksjon tysdag kveld.

Styreleiar Erlend Ytre-Arna Vågane i Bataljonen set pris på oppmøte.

– Det er fantastisk å sjå kor stor støtta til kvinnelaget er i Bergen og enormt gøy at så mange stiller på stadion, seier han.

I forkant av kampen har supporterklubben jobba iherdig med å hause opp kampen, med både bannarar og plakatar rundtomkring i byen.

– Det har kokt godt i sosiale medium, legg Ytre-Arna Vågane til.

Erlend Ytre-Arne Vågane

Over 6000 tilskodarar hadde kome seg til Brann Stadion for å sjå Brann i aksjon.

Foto: Synne Lykkebø Hafsaas / NRK

Målscoraren frå Brann, Svava Rós Guðmundsdóttir, legg ikkje skjul på at svenskane vart for sterke då det nærma seg enden på kampen.

– Det var tøft på slutten. Me var litt slitne, men det er inga unnskuldning. Me har 90 minutt att neste veke, seier Rós Guðmundsdóttir til NRK.

Historisk

Meisterligaen, også kjent som Champions League, er ein årleg europeisk fotballturnering arrangert av UEFA.

Brann har aldri spelt i meisterligaen før.

FC Rosengård frå Malmø derimot, har kome heilt til semifinalen tidlegare.

Det svenske laget har vore blant topp tre i Damallsvenskan sidan 1998, med unntak av 2006, då dei enda på fjerdeplass.

I tillegg til heider og ære, er det òg ein økonomisk vinst dei speler om.

4 millionar kroner går til Brann skulle dei klara å koma seg til gruppespelet.

Banner i forkant av Brann - FC Rosengård 21.09.2022

I forkant av kampen har Bataljonen skapt blest. Her frå innfartsvegen til Fjøsanger, to dagar før kampen.

Foto: Bataljonen