Tal frå Statistisk sentralbyrå viser at kvar 20. femåring har meir enn fem hol i tennene sine.
- I mange tilfelle betyr tannråte hjå småbarn at foreldrene strevar med omsorga. Då kan dei ha god nytte av hjelp frå barnevernet, seier Hjermann til
.- Bør vere rutine
Tannhelsetenesta har plikt til å melde frå dersom dei har mistanke om dette. Men ei undersøking gjort av hovudstadsavisa, viser at det skjer i svært liten grad. 80 prosent av tannlegane vedgår at dei har mistanke om omsorgssvikt, men at berre ein fjerdedel av desse har varsla barnevernet.
- Det bør vere rutine å melde frå til barnevernet når små barn har tannråte, seier Hjermann.
Kan finne ut av
I gruppa med dårleg tannhelse, er barn med minoritetsbakgrunn sterkt overrepresentert.
- Det er ikkje nødvendigvis omsorgssvikt som er årsak til dette. For barn som kjem frå ein krigssituasjon så er det ikkje vanskeleg å forstå at det har vore vanskeleg å finne ein tannbørste, eller at barnet et sjokolade i staden for ingenting, legg Hjermann til.
– Men det kan også vere kulturelle grunnar, det kan ha med fattigdom og låg utdanning å gjere. Dette kan barnevernet finne ut av, seier han.