Ber politiet om hjelp til å utføre arbeid

– Vi føler oss tvungne til å be politiet om hjelp, seier Kenneth Nakken Angedal, prosjektleiar i Nordic Mining. Dei siste dagane har aksjonistar lenka seg fast og stogga arbeidet ved Engebø i Sunnfjord. Etter dialog med aksjonistane, har det kome fram at dei vil stogge arbeidet anten det er rydding av skog eller setje opp gjerde. – Difor har det no blitt politiet si oppgåve at vi får gjennomført lovleg arbeid på Engebø, seier Angedal. Natur og ungdom aksjonerer mot planane om å dumpe gruveavfall i Førdefjorden.