Arkeologar gjorde fleire interessante funn i Stad

I samband med utgravingane på Berstad i Stad kommune i vår fann arkeologane båtgraver frå jarnalder, gravrøys frå bronsealder og ei grav frå steinalderen. Det skriv Vestland fylke på sine nettsider.

– Vi stod å sjakta med gravemaskin då vi såg mørkare konturar i massane. Etter litt finreinsing for hand dukka det opp fleire jarnnaglar. Vi forstod raskt at dette kunne vere noko spesielt, seier arkeolog Ragnhild Egeland Torp.

Fylkeskommunen har difor gitt løyve til utgravinga. Universitetsmuseet i Bergen tek saka vidare og skal gjennomføre ei arkeologisk utgraving av gravene i haust.