– Dette er ei formidabel utvikling i riktig retning, seier Øyvind Setnes, førebyggingsekspert i Tryg forsikring.
Talet på omkomne i brannulukker har gått jamt nedover dei siste åra. I 2016 omkom 40 personar i brann, medan snittet sidan 1979 har vore 64 omkomne årleg. Hittil i år er berre 22 personar omkomne i brann.
Det er ikkje ein merkbar nedgang i talet på brannar, men folk er vorte flinkare til å sløkka brannen før brannvesenet kjem fram.
Desember og januar verst
Faren for brann aukar utover kvelden, og desember og januar er spesielt utsett. Bruk av stearinlys, vedfyring og elektrisk oppvarming aukar faren for brann.
43 prosent av utrykkingane til brannvesenet i 2016 var på grunn av brann eller branntilløp ved komfyren.
I perioden 1. mai 2016 til 30. april 2017 ligg Oslo og Finnmark på topp i talet på brannar per innbyggar, ifølgje tal frå Direktoratet for samfunnssikkerheit og beredskap.
Rogaland, Akershus og Sogn og Fjordane har færrast brannar.
