Karl Oskar Emberland er inne i sin siste sesong som trenar for Sogndal.
Det vart kjent på ein pressekonferanse i ettermiddag.
- Harald var vårt førsteval og passar godt inn i vår talentprofil, seier Jarle Flo, som leia arbeidet med å finne ny trenar.
Overraskande
Trenarskiftet i Sogndal kom overraskande, sjølv om Aabrekk først skal begynne frå årsskiftet.
- Fram til eg tek til er det Karl Oskar som er trenar, eg skal vere på tribuna, sa den nye Sogndal-trenaren på pressekonferansen.
På pressekonferansen forklarte Emberland at tre år borte frå familien i Haugesund var nok. Han la ikkje skjul på at han ser fram til å flytte tilbake til byen.
Kjenner Sogndal
Harald Aabrekk har trent Sogndal tidlegare med suksess, men var også kjent for sitt hissige temperament.
- Eg har utvikla meg sidan den gong, og det er lenge sidan eg har hatt ein kontrovers med ein dommar, sa ein lattermild Harald Aabrekk.
Talentspeidar
Han kjem til jobben i Sogndal etter å ha vore talentspeidar i Brann.
- Det blir mykje jobb dette, og eg vil ikkje klare det åleine. Sjølv om eg har erfaring frå dette tidlegare så treng eg hjelp frå alle som er her i Sogndal, sa Aabrekk.
Han takka ja til Sogndal fordi han veit at klubben har eit stort og godt apparat til å utvikle klubben vidare, uansett om det blir i 1. divisjon eller Eliteserien.
Lang karriere
Aabrekk har lang erfaring som fotballspelar og trenar. Han har spelt 234 kampar og scora 73 mål for Sogndal. Trenarkarriera hans ser slik ut:
- 1983-1984 Eid
- 1985-1986 Sandane
- 1987-1989 Stryn
- 1990-1992 Sogndal
- 1991-1998 Assistent U-landslag
- 1993-1995 Tromsø
- 1996-1997 Regionansvarleg Vestlandet NFF
- 1998-1999 Brann
- 1998-2003 Assistent A-landslag
- 2002-2005 Haugesund
- 2006-2007 Vålerenga
- 2008-2009 Brann
