«MS Lofoten» torer ikkje passere Stad - «Berit» er for sterk

Det var Fjordenes Tidende som først melde om det i dag tidleg.

• LES OGSÅ: «Berit» tar strømmen og stopper hurtigbåter langs kysten

– Det er bølgjehøgda som er problemet. Både for båten og for passasjerane sin tryggleik er det best å ligge til det blir betre vêr, seier kaptein Tor Amundsen til NRK.

• LES OGSÅ: «Berit» stengde Måløybrua

Blir liggjande

«MS Lofoten» blir liggande til kai i Måløy medan dei ventar på at vinden skal løye. Det er stormen «Berit» som forårsakar dei kraftige bølgjene og sterke vinden.

• LES OGSÅ: Nå kommer ekstremværet «Berit»

– Bølgjene er jamt mellom 10 og 14 meter høge, men det er toppar på godt over 20 meter, seier Amundsen.

• Sjekk vêrmeldinga her

Etter planen skal skipet gå vidare laurdag morgon klokka åtte, og då går det direkte til Rørvik for å ta inn att den tapte tida. Skipet er på veg nordover, og droppa å gå til kai i Florø som ein konsekvens av det dårlege vêret.

– Det var for mykje vind i Florø til at det var forsvarleg å gå inn der, seier kapteinen.

• LES OGSÅ: Her har det blåse orkan i natt
  

Klostertur for passasjerane

– Etter lunsj skal me arrangera ein tur til Selje kloster slik at passasjerane har noko å gjera medan vi ligg til kai.

«MS Lofoten» har 15 passasjerar som er med på heile turen og fire passasjerar som berre reiser ein mindre del, totalt 19 passasjerar.

– Ein god del såg vêrvarslinga og avlyste, seier Amundsen.

• LES OGSÅ: Jaktar på vestlandsstormen