I sommar kan du vere med på alle dei 19 ferjeturane i fylket. I dag testar vi Hatvik-Venjaneset, der vi møter Mette Jensen i kiosken.
Rykta seier at ho lagar dei beste svelene som er å få på fjordane i Hordaland.
– Hemmeligheten er at alt må vere ferskt. Svelene må alltid vere nylaga
– Sel du mest med smørkrem eller brunost?
– Det går mykje av begge. Brunosten er det einaste vi ikkje lager sjølv. Smørkremen består av to typar smør, melis og sukker, forklarar Jensen.
Kom frå Romsdal
Sveler som ferjemat stammer eigentleg frå Nord-Vestlandet. Det skal ha vore Steinar Slettestøl om bord på MF Romsdal som byrja tradisjonen på slutten av 60-talet. Han tilsett kokk i Møre og Romsdal Fylkesbåtar.
– Det der veit eg ikkje noko om. No er svelene i alle fall populære i alle vestlandsfylka, seier Jensen.
Dette meiner NRK om Hatvik-Venjaneset
Overfart og kaiar: 4
Ikkje all verdas natur- eller ferjeoppleving på den korte overfarten. Men det er ikkje noko gale med utsikta. Hatvik har ingenting å by på. Venjaneset har Laila`s Kro.
Fartøy: 6
MF Fosen verkar å vere alt for stort for den smale fjorden. Ferja er litt slitne. Men det er faktisk ganske koseleg i salongen. Leikekrok med duploklossar trekk opp.
Service og fasilitetar: 6
Mette i kiosken er verdig triveleg. Godt utval. Litt triste sanitærfasilitetar, og mangel på venterom og toalett trekk ned.
Nostalgi og oppleving: 3
Nok ei trønderferge på ein vestlandsfjord. Det er langt frå Fosen til Venjaneset. Men vi gir plusspoeng for at det heng bilete av gamle ferjer på veggane.
Totalt: 19 (av 40)