Her er noko av svara vi fekk:
– Det beste med ferja er pølse i brød.
– Det beste med ferja er softis.
– Kanskje kjem det ein seglbåt forbi.
– Det beste er å vere ute på vatnet.
– Ferja er ein pause frå køyringa.
– Eg likar å vere ute i vinden.
– På ferja kan vi slappe av.
– Det er alltid noko å sjå på ferja.
– Eg hatar å bli sjøsjuk.
Der ser de. Alle elskar ferja.
Våge sett frå MF Selbjørnsfjord.
Foto: Oddgeir Øystese / NRK
Dette meiner NRK om Halhjem – Våge
Overfart og kaier: 6
Det er flott ut frå Våge. Og kaien er verkeleg triveleg. Her har du alt du treng av ein ferjekai.
Fartøy: 6
MF Selbjørnsfjord er ganske ny og fin. Den føl tradisjonen med salong på sida. Sidan den er ganske stor vert ikkje salongen så smal som på andre ferjer. Men ein bakdel med denne løysinga er at vinauga ligg så nær sjøen at sikten vert hindra av saltvatn.
Service og fasilitetar: 5
Ein av dei best utstyrte kafeteriaene i den hordalandske ferjefloraen. Særleg softisen er populær. Men det er nær konstant kø på toaletta om bord. Gode tilbod på kaiene, særleg på Våge.
Kiosken på MF Selbjørnsfjord er godt utstyrt. Særleg softisen er populær.
Foto: Oddgeir Øystese / NRKNostalgi og oppleving: 5
Av FosenNamsos sine samband i Hordaland er det dette dei har greidd best. Det er interessante plakatar om segltradisjonane til Tysnes og seglarar som har gjort stor lukke i USA. Og så trekk vi fram skiltinga på Våge som gjer deg kjensla av tradisjon.
