Dumparen 20-åringen førde for onsdag ettermiddag utfor ein kring 30 meter høg skrent før den hamna i ei elv på Filefjell onsdag ettermiddag.
Ulukka skjedde i eit anleggsområde mellom Maristova og Smedalsosen. Kassen på dumparen vart ståande på hjula i elva, medan hytta hadde vridd seg og låg på sida.
Kollegaer av føraren kom raskt til, men arbeidet med å få mannen ut var vanskeleg. Førarhuset låg under vatn og i den iskalde elva brukte dei det dei hadde for hand for å bryte opp dørene. Etter vel ein time vart mannen henta ut.
- LES OGSÅ:
- LES OGSÅ:
Mannen som er frå Finnsnes i Midt-Troms vart frakta med luftambulanse til Haukeland universitetssjukehus med kritiske skader. Mannen har kjempa for livet sidan, men Helse Bergen melder fredag morgon at den unge mannen døydde i natt.
Kvifor dumparen brasa gjennom autovernet og ned skråninga, er førebels uvisst. Torsdag var Statens vegvesen sin havarikommisjon på staden på synfaring og gjennomførde ei rekkje målingar. Fredag skal Statens vegvesen og hovudentreprenør Mesta gå igjennom ulukka.