Hermine (16) blir hylla av Hollywood-stjerne

Den amerikanske skodespelaren Matthew McConaughey hyllar bergenske Hermine Svortevik Oen i ein video som Norsk filmdistribusjon har delt.

16-åringen har hovudrolla i spelefilmen «Birk & Magna – Gruvens mørke hemmelighet» som går på kino i sommar. McConaughey anbefalar alle å sjå filmen og trekk fram Svortevik Oen:

– I hovudrolla finn du vår gode familievenn Hermine. Ho har lyst opp rommet sidan første gong me møtte ho, seier den amerikanske skodespelaren.

Til BT fortel Svortevik Oen at ho og familien møtte McConaughey og hans familien på ferie for nokre år sidan.