Tidlegare kommunetopp dømd for ulovleg sjødumping
Ein tidlegare kommunetopp i dåverande Vågsøy kommune er dømd til fengsel i 30 dagar for brot på forureiningslova og plan- og bygningslova. Straffa er på vilkår med ei prøvetid på to år. Mannen må også betale ei bot på 20.000 kr.
Gjennom to månader i 2019 blei det bygd ny turnhall i kommunen. Det blei fylt ut minst 7500 kubikkmeter massar av stein i sjøen utan løyve. Massane var forureina med blant anna tungmetall. Fyllingen blei delvis lagt over område med sårbart ålegras.
Den tiltalte la alle korta på bordet då han møtte i Sogn og Fjordane tingrett. I dommen kjem det fram at mannen var klar over at tiltaket var søknadspliktig.
Tidlegare Vågsøy kommune, no Kinn kommune, melde seg sjølv til politiet i 2020. Miljødirektør Kjell Kvingedal hos Fylkesmannen i Vestland sa han ikkje har sett liknande saker før.
Dåverande rådmann Terje Heggheim var klar på at hendinga var alvorlege brot på plan- og bygningslova og på forureiningslova. – Hadde det vore ein privat entreprenør eller privat ansvarleg som hadde gjort same brot på same lovverk så hadde vi ikkje nølt. Vi hadde meldt det til politiet, seier han.