Fotgjengar påkøyrd i Sogndal – bil køyrde frå staden

Ein fotgjengar er påkøyrd i Sogndal i nærleiken av sentrum, melder Vest politidistrikt. Hendinga skjedde rett før klokka 22, laurdag kveld. Ein bil køyrde frå staden. Personen som vart påkøyrd var vaken og i stand til å snakke då ambulanse kom til staden, men hadde smerter fleire stadar på kroppen. Han får no behandling på sjukehus. Politiet har pågripe ein mann i 40-åra og skal gjennomføre innleiande avhøyr. Det blir oppretta sak på bilføraren, opplyser operasjonsleiar Knut Dahl-Michelsen.