Glatt på fjellovergangane i morgontimane
På Hardangervidda har det vore parti med isete veg og regn i lufta i morgontimane. Det fortel trafikkoperatør i Vegvesenet Tor Evensen. På Hemsdalsfjellet har Vegtrafikksentralen også fått meldingar om glatte køyreforhold. Forholda på begge fjelloverganane skal vere betre no, fortel Evensen.
– Det skal bli litt mildare utover dagen, men det kan heilt sikkert vere glatt enkelte parti, seier Evensen.
Han tilrår alle som skal over fjellovergangane å køyre med vinterdekk.