Mobiltelefon tok fyr på fly – Ein passasjer lettare skadd
Ein mobiltelefon tok fyr i kabinen ved ei innflyging til Bergen lufthamn Flesland 11. juni. Det melder Statens Havarikommisjon. Dei undersøkjer hendinga, som dei kallar alvorleg, skriv BT. Ein passasjer blei lettare skadd.
Besetninga på flyet fekk kjølt mobiltelefonen ned og sløkt brannen med vatn. Telefonen blei sikra og overvaka under resten av flyginga. Teppet i kabin blei skadd, og telefonen heilt øydelagt.