350 kundar utan straum

350 kundar er framleis utan straum i Sogn og Fjordane etter stormen «Urd». Det gjeld Hellevik i Fjaler, Høydal i Hyllestad, Lånefjorden i Balestrand og fleire område i Flora kommune. Alle kundane kan rekne med å få att straumen i løpet av dagen og kvelden. Olje- og energiminister Terje Søviknes seier at beredskapen har blitt mykje betre dei siste åra, men at vi framleis må rekne med omfattande straumbrot når ekstremvêr slår til.