Opplysningen 1881 med sine 50 arbeidsplassar og Lærdal sjukehus med sine over 100 arbeidsplassar står i fare. I tillegg skal kommunen kutte, skriv Sogn Avis.
- LES OGSÅ:
Situasjonen i Lærdal liknar utviklinga i resten av fylket. Prosentvis har ingen fylke mista fleire arbeidsplassar enn Sogn og Fjordane.
Stort trugsmål
Ordførar i Lærdal, Arne Sanden, kallar situasjonen det største trugsmålet mot lærdalssamfunnet i nyare tid.
– Dette krev handling, sa rådmann Alf Olsen jr. under eit kommunestyremøte ifølgje Sogn Avis.
I tillegg er det mange kvinneplassar som forsvinn, noko som bekymrar kommunen.
Vil ikkje satse i Lærdal
1881 har gjeve beskjed om at dei ikkje vil satse på Lærdal. Dei har uttalt at dei heller vil satse på Namsos og Otta. Det kan bety nedlegging i Lærdal.
Kommunen kjem no til å søkje om status som omstillingskommune.