- Lokalsjukehusa må få heile ekstra

Det har vore fleire demonstrasjonar for å halde oppe funksjonar ved sjukehuset i Lærdal. (Arkivfoto: NRK)

- Lokalsjukehusa i Sogn og Fjordane må få alle dei 168 millionane Helse Vest blei tildelt torsdag. Det seier Bente Øien Hauge i aksjonen «Forsvar Lærdal sjukehus». Bente Øien Hauge i aksjonen «Forsvar Lærdal sjukehus» seier ekstraløyvingane frå budsjettforliket kan brukast til å gjere om vedtaket om å fjerne den kirurgiske akuttberedskapen frå Lærdal.

Av:

Gøril Grov Sørdal

- Rett og rimeleg

I budsjettforliket torsdag fekk Helse Vest 168 millionar kroner meir enn regjeringa hadde sett av. Det er mange om beinet i Helse Vest, men Bente Øien Hauge krev at dei går uavkorta til lokalsjukehusa. Det meiner ho berre er rett og rimeleg.

Ikkje påverka

Torsdag kunne informasjonssjef i Helse Vest, Bjørg Sandal, fortelje at vedtak som alt er fatta, ikkje vert påverka av ekstraløyvingane frå budsjettforliket.

Men Øien Hauge nektar å gi seg. Ho seier ho vil kjempe for akuttberedskapen med nebb og klør.