I går innkalte Friidrettsforbundet og Erik Tysse til presskonferanse. Saman med rådgjevarane sine informerte Tysse om at han , ei form for bloddoping eller EPO, etter eit stemne i Italia i mai.
I dag fortel Tysse at han er letta over at saka endeleg har kome ut. Han, familien og trenaren har visst om testresultata sidan 3. juni.
LES ÒG: | |
- Nå treng eg ikkje å unngå folk
- Det er ein lettelse at ting har kome ut, nå treng eg ikkje å unngå folk, seier Tysse då NRK Hordaland møter han på Søfteland der han trenar saman med Stefan Plätzer.
- Dei siste seks vekene har gått unna med eit veldig stort trykk på heile familien, det har vore tungt, fortel kappgjengaren.
- Kunne sagt eg var skada
Før dopingsaka kom ut var Tysse eit av Norge sine største medaljehåp til EM i friidrett, som går av stabelen i Barcelona 27. juli. No er han suspendert frå konkurransen.
Tysse var ute og kappgjekk med trenar Stefan Plätzer på Søfteland i dag.
Foto: Alexander Vollevik Larsen / NRK- Eg kunne sagt at eg var skada, så hadde alle gløymt det og ingenting hadde kome ut før ei eventuell anmelding, seier Tysse.
- Men ein vil ikkje lyga til folk, det var derfor me gjekk ut med dette nå.
Får støtte frå ukjente på SMS
Tysse fortel at han ennå ikkje har opplevd å få direkte negative tilbakemeldingar etter at dopingsaka kom ut.
- Viss folk treff meg vil eg at dei skal seia kva dei meiner, i staden for å stå og sjå på, seier han.
Til no seier Tysse han berre har opplevd å få støttande kommentarar, og det frå både kjente og ukjente. Mellom anna har han motteke tekstmeldingar som denne:
"Eg kjenner ikkje deg, og du kjenner ikkje meg, men eg har fulgt med idretten i alle år. Eg er fysioterapeut av yrke, eg veit at du er uskuldig i denne saka. Stå på"