Tone Damli Aaberge var den store overraskinga for speirdarane på leiren.
- Alle som er forelska, rop ut!
Og Tone hausta stor applaus frå dei mange som møtte opp for å høyre ho. Ho kom ut på scena med eit speidarskjerf om halsen, og elleville speidarar gav klar beskjed om kva dei meinte om det. Vill jubel møtte sogndalsjenta.
- Dette var herleg! Speidarane er eit perfekt publikum for min type musikk, seier Tone.
Ho hadde fått med seg at mange av dei som reiser på slike leiarar vert forelska i løpet av leirtida. Og dermed oppmoda ho alle som var forelska til å rope det ut.
Herleg forelska
- Det er herleg å vere forelska, seier Tone sjølv.
Aksel Hennie er Tone Damli Aaberge sin nye kjærast skal vi tru fleire norske aviser.
Foto: Falch, Knut / SCANPIXI fleire norske media har det vore spekulert i om Tone og den kjende norske skodespelaren Axel Hennie er kjærestar. I det siste har dei to vist seg offentleg saman fleire gonger. Og på leiren på Åndalsnes var i alle fall Tone i toppform.
Nøgd
7 500 speidarar har delteke på Norges speiderforbunds landsleir på Åndalsnes denne veka.
Sogndalsjenta avslutta showet i Åndalsnes med songen "Butterflies" som ho deltok med i Grand prix finalen tidlegare i år.
Då reiste alle speidarane seg og vifta med speidarskjerfa sine.
- Eg vart heilt riven med då eg såg alle skjerfa, smiler Tone.